الزعيم

----فى واحدة من دول الوطن الكبير

----!!فيها العجيب ..فبها العجب ----فيها الضعيف حالته تصعب ع الأمم ----فيها المريض مات م الألم ----فيها البسيط يسوى عدم ---وفيها كمان الزعيم يفضل زعيم ----!!طول ..الزمن

----:والشعب يهتف ويناديه

----عاش الزعيم..عاش البطل

----حامى الحمى..رمز الوطن

----فيها الفقير من الجوع...مصرانه اتلوى ----وقفاه فى القسم اتشوى ----ولو كان مريض ما فى دوا ----!!وياللعجب

----يهتف ينادى بقوته ----بالرغم من طول شدته ----عاش الزعيم......عاش البطل ----حامى الحمى .....رمز الوطن ----و الشعب فيه عبوس غريب ----والهم باين للبعيد قبل القريب ----وحاله يصعب ع العدو قبل الحبيب ----والسلطة فيها فساد رهيب ----!!وياللعجب

----يهتف ينادى بقوته ----بالرغم من طول أزمته ----عاش الزعيم...عاش البطل ----حامى الحمى ...رمز الوطن ----ولو كانوا يوم مجمعين ----ناس من يسار..ناس من يمين ----وكان بينهم واد شجاع قلبه قوى ----وقال يا ناس قوموا كلكم ----فوقوا طالبوا بحقكم ----اصحوا وفوقوا يا بشر ----دا خوفنا فى الكون انتشر ----شاوروا عليه كلهم ----وبصوا والرعب ف دمهم ----هو انت مين ----هو انت فين ----هو أنت ليه جاى تنحشر ----سيبنا يا عم ف همنا ----واخلع بسرعه من هنا ----قبل ما يكون سمعك شاويش ----وساعتها يا بنى تروح مفيش ----ولا أقولك قم ونادى بأعلى صوت ----:واهتف وقول

----عاش الزعيم..عاش البطل ----!!حامى الحمى ..رمز الوطن